Setjið á ykkur skóna, Ómanfundur, myndakvöld og fleiri krakkar

Það er gott frá því að segja að ég hef tekið á móti fleiri börnum í dag.


55. G 40 Hanak Moh. Al Matari- Ragnheiður Gyða, Oddrún Vala og Guðrún Valgerður

56. G46 Bushra Sharaf AlKadsee-Catherine Eyjólfsson

57.NÝ G 120 Hayet Yihia Galeb al Mansoor, 18 ára, hún á fimm systkini, faðir vinnur þegar vinnu er að fá en bágindi á heimilinu - Erla V. Kristjánsson

58. NÝR B 106 Yihya Nasser Moh. AlAnsee er 17 ára og í 9. bekk, hann á 5 systkini. Faðirinn hefur oftast vinnu- Sigríður J. Lister

59. NÝR B 107 Majed Yheia Ali Al Mansoor er 17 ára og er í 3 bekk sem þýðir að hann hefur ekki komist í skóla fyrr en 14 ára. Töggur í stráknum. Hann á fimm systkini. Faðir vinnur við akstur þegar vinnu er að hafa - Ester Magnúsdóttir

60.NÝR B 104 Abdul Kareem Moh. Almatri, er 13 ára. Hann á sex systkini. Faðir vinnur en mikil fátækt á heimilinu- Birna Sveinsdóttir

61.G61 Aida Yejiea Alansee - Birna Sveinsdóttir

62.NÝ Ahlam Abdullah AlKeybsee er 18 ára og er í 10.bekk. Hún á fjögur systkini. Faðir vinnur en mikil dátækt á heimilinu- Birna Sveinsdóttir

63. G22 Rawia Ali Ahmed Al Dobibi - Birna Sveinsdóttir

64. N'YR B112 Ibrahim Ahmed Qarase, er 12 ára Hann á þrjú systkini. Faðir látinn. - Hrafnhildur Baldursdóttir

Mig langar mjög mikið til að stuðningsmenn síðasta árs sem ekki hafa staðfest að þeir verði áfram/eða ekki með krakka láti í sér heyra. Mér telst að þeir séu að minnsta kosti tuttugu.

Langflestir þeir sem hafa staðfest hafa sömuleiðis greitt og góðar þakkir fyrir það.

Hef heyrt frá nokkrum nýjum sem vilja bætast við og vonast því til að geta bætt við fleiri börnum á morgun.

Ástæða er til að þakka nýju styrktarfólki kærlega.

Ég vil benda á að pláss eru enn í Jemenferðirnar næsta vor og er viss um að fleiri styrktarmenn hafa áhuga. Hafið samband.

Setjið á ykkur skóna trölluðu Stuðmenn og hér eru þeir til að minna ykkur á að hlaupa fyrir Fatimusjóð vináttufélagsins á laugardaginn. Veit um nokkra sem ætla að leggja okkur lið og hver veit nema fleiri bætist í hópinn. Munar um allt. Hvetjið vini og vandamenn sem ætla að hlaupa/eða hlaupa ekki til að heita á sjóðinn.

Á mánudag var svo heilmikið selskabslíf hjá félögum.
Kákasuslandafélagar hittust, skröfuðu og skemmtu sér dátt við myndaskoðun og rifjuðu upp góðar minningar úr ferðinni. Borðuðum þennan fína fisk og kaffi og sætindi í eftirmat. Við sátum lengi því margir höfðu komið með diska með ákaflega fallegum og fjölbreytilegum myndum og aðrir voru með myndir í albúmum svo það var nóg að skoða og minnast daganna okkar í Azerbadjan, Georgíu og Armeníu.

Ásdís Hafrún stjórnaði tölvum af mikilli leikni.


Á myndinni hér fyrir neðan sem Ólafur Sigurðsson tók sést heilagi maðurinn í Mtsketki skvetta vatni (örugglega margblessuðu)á Gullu Pé. við nokkra undrun hennar.

Þá var fundur okkar haust-Ómanfararnir einnig á mánudag. Við sötruðun te og kaffi og gúffuðum í okkur rúsínum, fíkjum og döðlum. Glugguðum í ferðaáætlun og rætt það helsta sem hafa ber í huga. Við munum svo hittast aftur seinna í haust þegar miðar koma og fara nánar í saumana á því. Líst þetta fínn hópur og hátt í helmingur sem er að fara í sína fyrstu VIMA ferð svo þetta verður væntanlega ágætis blanda.

Sendi áætlun og þátttakendalista til þeirra sem komust ekki. Bið fólk að senda mér hið allra fyrsta ljósrit af fyrstu þremur síðum í vegabréfi og nokkrir brugðu svo skjótt við og skutluðu því til mín í dag.

Tvennt í viðbót: Einn félagsmaður, einkar listfengur, hefur boðist til að gefa okkur eitt þúsund stykki af forkunnarfallegum kortum sem mætti nota sem gjafakort. Þakka þennan góða hug og rausnargjöf

Annað: Annar félagsmaður hefur stungið upp á að gjafakort væru til án texta svo fólk skrifaði sjálft það sem það vildi sagt hafa. En væri prentað á kortið að peningarnir rynnu til YERO. Þetta er ágætis hugmynd og við snörum okkur í það. Þá mætti hugsa sér að selja 5-10 kort saman, t.d. á 1000-1500 kr. stk.

Nú skrepp ég til augnlæknisins að vita hvort ekki er allt í sóma. Nokkur börn eru á leiðinni og ég set þau væntanlega inn seinna í dag.