Wednesday, February 4, 2009

Það gætu komið góðar fréttir fyrir Íranfara- Egyptaland og Marokkó í rannsókn


Hollustumynd í íslensku frosti

Sæl veriði

Það gætu komið góðar fréttir varðandi Íranferðina því mér sýnist að á henni verði - og haldið ykkur nú fast- DUGGUSMÁLÆKKUN, en lækkun samt-. Þetta skýrist mjög fljótlega og þá læt ég Íranfara vita. Bið þá sem eiga eftir að senda fyrri greiðslu að gera það snarlega. Hef sent út helming greiðslunnar til ferðaskrifstofunnar í Íran til að hafa vaðið fyrir neðan mig og verð að biðja alla að snara inn greiðslunni. Mér finnst ég sýknt og heilagt endurtaka númer ferðareikningsins en það dugar ekki til

Nú segi ég hver hann er einu sinni enn og svo verða menn þá að fara inn á hentug reikningsnúmer hér til hliðar ef þetta er of erfitt 1151 15 551346 og kt 441004-2220

Þá hef ég fengið skilaboð frá frk Hölu frá egypsku ferðaskrifstofunni okkar og hún sendir tilboð fljótlega og rannsókn á Marokkó er hafin. Læt við fljótlega.

UMFRAM allt þarf ég að heyra frá þeim sem hyggja á Jemen/Jórdaníuferðina í maí.
Það hefur varla nokkur staðfest sig þar af alvöru nema Eyþór(takk kærlega) og ég verð að reyna að átta mig á hvort af henni verður eða ekki. Verð á henni, BRÁÐABIRGÐAVERÐ er 390-410 þús og hún hækkar minna en aðrar ferðir. Ef guð lofar, altso.

1 comment:

Anonymous said...

Á ekki að þakka góðar fréttir? Þakka þeim sem þakka ber og gaman alltaf að sjá eitthvað á síðunni og svo bara að vona að góðar fréttir berist í bland við allt það neikvæða sem helst er haldið á lofti þessa dagana. Er bjartsýn með hækkandi sól og sendi sólargeisla í allar áttir. kv. Jóna.