Myndakvöld Jemenhópsins í kvöld - fleiri styrktarmenn svari

Maíhópurinn í matarboði hjá Fatimu í Þula Ljósmynd Þorgerður

Þar voru sem fyrr kræsingar í boði, ótal gómsætir réttir sem hún og mamma hennar og nágrennakonur höfðu keppst við að malla allan morguninn.
Í eftirrétt hin fræga Fatimukaka- sem Fatima hefur að vísu enga hugmynd um að er kölluð Fatimukaka var satt að segja töluvert laglegri í útliti og bragðbetri en amk mér tókst að gera fyrir glæsimarkaðinn okkar í fyrra.

Síðan voru vitaskuld gerð kaup við Fatímu í örlitlu versluninni hennar. Hún selur dýrt en á hinn bóginn hefur hún gæðavörur á boðstólum.

Jemen/Jórdaníuhópurinn frá því í maí hittist í kvöld og skoðaði myndir, skrafaði og skoðaði myndir úr ferðinni, fékk sér kjúklingasalat og átti góða stund. Mæting var fín, vantaði þó Gerði en hún hafði farið í Fjörður.Þessi hópur var - eins og aðrir Jemen/Jórdaníuhópar- sérdeilis samhentur og allt gekk að óskum nema Kolbrún sagði að verulegur söknuður hefði gert vart við sig eftir ferðafélögunum. Og tóku fleiri undir það.
Ágústa var með myndir sem hún hafði gert á pappír líka og skenti okkur. Það var vissulega vel þegið enda afar hugulsamt.

Úr þessum hópi hafa nokkrir styrktarmenn bæst við og er það ánægjulegt og rösklega það.

Mér þykir aðkallandi að fólk tilkynni hvort það muni styðja börn áfram. Það er ansi leiðinlegt að þurfa að endurtaka sí og æ þann söng því vissulega geri ég mér grein fyrir að ýmsir eru í burtu. Samt veit ég líka að sumir hafa bara látið það dragast eða eru að íhuga málin.
Bið ykkur samt. Viljiði athuga að það má skipta greiðslum. Bara að láta vita. Annað gengur ekki.

Ég fæ ekki betur séð en Íranferðin sé í blóma 1.-14.okt og Marokkófarar hafa þegar fengið sína miða og ferðagögn og í Egyptaland má bæta við nokkrum vegna ófyrirséðra forfalla.

Á morgun ætlum við stjórnarkonur að hittast hjá Dóminik og plana næsta fréttabréf og fundínn í september.

Í dag hafa eftirfarandi börn fengið styrktarmenn:

G 60 Aysha Abdul Kareem Al Ansee Þorgerður A. Arnardóttir(nýr stuðningsmaður)
G 61 Aleda Yeheia Al Ansee Birna Sveinsdóttir
G 62 Asma Attea Al Hakmi Herdís Kristjánsdóttir
G 75 Shyma Ali Mohamed Al Shmere Kristín Ásgeirsd. Johansen
G 81 Hekmat Amin Al Kamel Hervör Jónasdóttir/Helgi Ágústsson

G 84Haseina Naser Mohmamed Al Ansee Herdís Kristjánsdóttir
G 113 Raqed Kamal Al Znome Birna Sveinsdóttir
G 118 Hanan Yihyia Galeb Al Mansoor Herdís Kristjánsdóttir
G 121 Ahlam Abdulah Al Kebsee Sigríður Karlsdóttir(nýr stuðningsmaður)

Drengir
B 3 Rabi Abdullah Sharabi Högni Eyjólfsson
B 4 Maher Mohammed Hussein Al Reeme Birna Sveinsdóttir
B 28 Amar Thabet Al Ryashi Áslaug/Kristján Arnarson
B 104 Abdelkareem Moh. Al Matri Stanley Pálsson (nýr stuðningsmaður)
B 105 Abdulelah Sameer Al Radee Sif Arnardóttir

B 35 Mohammed Hussan Al Shameri Ásdís Stefánsdóttir
B 113 Basheer Nabil Ahmed Alma Hrönn Hrannardóttir

Sem fyrr styður Litla fjölskyldan
G 40 Hanak Mohammed Ahmad Al Matari
EN
þar sem hún hóf háskólanám í fyrra verður að greiða meira henni til stuðnings eða sem svarar 1000 dollara.

Á árinu hafa hjón sem eru í VIMA lagt óbeðin inn mánaðarlega upphæð, auk þess sem þau borga með sínum tveimur ungu systrum, en þau fóru með í Jemenferð í fyrra en höfðu byrjað að styrkja börn í Jemen áður en sú ferð kom til. Þar sem ég veit ekki hvort þau kæra sig um að ég setji nöfn þeirra hér, bíð ég með það.

Ég hef því á prjónunum að leggja framlag þeirra við væntanlega 230 dollara Litlu fjölskyldunnar (Ragnheiður Gyða, Guðrún Valgerður og Oddrún Vala) Þar með getur Hanak haldið áfram í háskólanum. Ég vona að þeim hjónum þyki því góða framlagi sem þau hafa sett í sjóðinn vera vel og rétt varið og er ástæða til að þakka þeim af alhug.

Enn hafa hátt í 40 manns ekki látið vita hvort þeir halda áfram stuðningi. Flestir þeirra eru með eitt barn. Þætti vænt um að heyra frá ykkur hvort sem svar er jákvætt eða neikvætt